15.4.2009 | 13:24
Útrásarvíkingar reyna að stöðva framboð Lýðræðishreyfingarinnar
Eftir að framboði Lýðræðishreyfingarinnar var skilað í gær til yfirkjörstjórnar í Reykjavík Norður sem Erla S. Árnadóttir hrl frá Lögmannsstofunni Lex er í forsvari fyrir, bárust símhringingar til annarra kjörstjórna og reynt að fá þær til að ógilda framboð Lýðræðishreyfingarinnar með því að bera fyrir sig smávægilegan formsgalla sem ekki einu sinni er skýr lagastoð fyrir.
Fyrri oddviti yfirkjörstjórnar Reykjavík Norður Þórunn Guðmundsdóttir hrl braut blað í sögu Íslenskra stjórnmála þegar hún hóf ófrægingarherferð gegn Ástþóri Magnússyni í aðdraganda forsetakosninga 2008 og sagði það "nauðgun á lýðræðinu í landinu" byði Ástþór sig aftur fram í kosningum hér á landi. Lét Þórunn að því liggja að Ástþór hafi blekkt kjósendur í forsetakosningum árið 2004.
Lögmannsstofan Lex starfar fyrir Ólaf Ólafsson og Samskip sem Ástþór á nú í málaferlum við eftir að lýsa því yfir að hann vilji að lögregla kanni bókhaldsóreiðu hjá Samskip. Þá hefur Ástþór lýst því yfir í fjölmiðlum að komist hann til áhrifa á Íslandi muni það verða sitt fyrsta verk að sækja Ólaf Ólafsson og aðra þá fjárglæframenn sem hafa sett þjóðina á hausinn og koma þeim í gæsluvarðhald á meðan bankahrunið er rannsakað. Lex hefur einnig starfað mikið fyrir Baugsveldið og aðra útrásarvíkinga.Eftir að fulltrúar útrásarvíkinganna hringdu í yfirkjörstjórn Norðvesturkjördæmis birtist frétt á mbl.is í gærkveldi þar sem sett voru fram fullyrðingar af formanni þeirrar kjörstjórnar um lista Lýðræðishreyfingarinnar sem standast ekki og stangast á við lög.
Lýðræðishreyfingin er nú að vinna að kærum og krefst þess að rannsókn fari fram á störfum yfirkjörstjórna. Þá mun Ástþór Magnússon funda með fulltrúum frá kosningaeftirliti Öryggis og Samvinnustofnunar Evrópu um málið.
3.4.2009 | 09:45
Hvar er þetta fólk? Engin mætti í atvinnuviðtal
Enginn mætti í atvinnuviðtal hjá Lýðvarpinu þegar leitað var til atvinnumiðlunar vinnumálastofnunar.
Eftir að hafa árangurslaust reynt að ná sambandi við fólk í atvinnuleit í gegnum atvinnumiðlun Vinnumálastofnunar voru störf á vegum Lýðræðishreyfingarinnar auglýstar á vefnum job.is.
Ekki einn einasti umsækjandi mætti í atvinnuviðtal frá vinnumiðlun Vinnumálastofnunar þegar þar var leitað eftir fólki til ýmissa starfa á nýjum fjölmiðli Lýðvarpinu FM100.5 og frettavakt.is. Annaðhvort eru tölur um að nær 18000 manns séu á atvinnuleysisskrá stórýktar eða skrifræði hefur kaffært Vinnumálastofnun með þeim hætti að starfsfólkið snýst um sjálft sig án þess að senda atvinnulausum upplýsingar um lausar stöður með skilmerkum hætti.
XP.is hefur auglýst stöður þingmanna og ráðherra lausar til umsóknar. Launakjör eru frá kr. 600,000 á mánuði auk ýmissa fríðinda.
Nokkur sæti eru enn laus á framboðslistum XP persónukjöri Lýðræðishreyfingarinnar í kjördæmum landsins. Nýtt rafrænt Alþingi sem kynnt er á vefnum xp.is mun hjálpa nýliðum að takast á við verkefnin á Alþingi eftir kosningar í nánum tengslum við þjóðina.
XP er eina framboðið sem býður fram óraðaða lista, persónukjör og beint lýðræði í komandi kosningum. XP er að fá slíkan meðbyr og stuðning í grasrótinni að nánast annar hver maður sem beðinn er um það skrifar undir meðmælalista og búið er að safna öllu meðmælendum í báðum kjördæmum í Reykjavík og verið að klára landsbyggðina. Í skoðanakönnun á vefnum xp.is vilja 70.9% aðspurðra beint og milliliðalaust lýðræði.
Sækja má um stöður þingmanna á slóðinni: http://job.xp.is
|
17.944 á atvinnuleysisskrá |
| Tilkynna um óviðeigandi tengingu við frétt | |
3.4.2009 | 09:12
Bjóða Magnús Ólafsson leikara velkominn
xP Lýðræðishreyfingin býður Magnús Ólafsson leikara velkominn
Ekki er farið í manngreinarálit hjá xP Lýðræðishreyfingunni. Hjá xP eru allir velkomnir. Það eru síðan kjósendur sjálfir sem velja sína þingmenn af lista xP í persónukjöri og engin önnur uppröðun fer fram á listum Lýðræðishreyfingarinnar. Þetta er ólíkt vinnubrögðum Borgarahreyfingarinnar en þar hafa sjálfskipaðir leiðtogar sem enginn hefur kosið um skipað sjálfa sig í efstu sætin fyrir luktum dyrum í flokksræðislegu bakherbergismakki.
Þegar Ástþór Magnússon lagði til lýðræðisleg vinnubrögð var hann í orðsins fyllstu merkingu borinn út af fundum hreyfingarinnar í Borgartúni og leikhúsinu Iðnó. Nú hefur Borgarahreyfingin hafið ófrægingarherferð gegn Magnúsi Ólafssyni leikara sem einnig vildi að menn sameinuðu kraftana til að koma á lýðræðisbreytingum.
Lýðræðishreyfingin býður Magnús Ólafsson leikara velkominn og er honum boðið sæti á lista xP í Kraganum þar sem kjósendum yrði síðan gefinn kostur á að ákveða það hvort þeir vilja Magnús til starfa á Alþingi Íslendinga.
Feiknalegur meðbyr er með framboði xP Lýðræðishreyfingarinnar og búið að safna öllum tilskyldum fjölda meðmælenda í báðum Reykjavíkurkjördæmum. Nú er verið að klára undirskriftarsöfnun í öðrum kjördæmum og hefur annar hver maður sem leitað er til skrifað undir stuðningsyfirlýsinguna.xP Lýðræðishreyfingin hefur einnig fengið fjölda nýrra og efnilegra frambjóðenda til liðs við sig síðasta sólarhring eftir að störf þingmanna og ráðherra voru auglýst laus til umsóknar á job.is. Launakjör eru frá um 600,000 krónum á mánuði auk ýmissa fríðinda og sækja má um starfið á slóðinni: http://job.xp.is
1.4.2009 | 23:38
Stöður þingmanna og ráðherra auglýstar lausar til umsóknar
XP.is hefur auglýst stöður þingmanna og ráðherra lausar til umsóknar. Launakjör eru frá kr. 600,000 á mánuði auk ýmissa fríðinda. Eftir að hafa árangurslaust reynt að ná sambandi við fólk í atvinnuleit í gegnum atvinnumiðlun Vinnumálastofnunar voru störf á vegum Lýðræðishreyfingarinnar auglýstar á vefnum job.is.
Ekki einn einasti umsækjandi mætti í atvinnuviðtal frá vinnumiðlun Vinnumálastofnunar þegar þar var leitað eftir fólki til ýmissa starfa á nýjum fjölmiðli Lýðvarpinu FM100.5 og frettavakt.is. Annaðhvort eru tölur um 18000 manns á atvinnuleysisskrá stórýktar eða skrifræði hefur kaffært Vinnumálastofnun með þeim hætti að starfsfólkið snýst um sjálft sig án þess að senda atvinnulausum upplýsingar um lausar stöður með skilmerkum hætti.
Nokkur sæti eru enn laus á framboðslistum XP persónukjöri Lýðræðishreyfingarinnar í kjördæmum landsins. Nýtt rafrænt Alþingi sem kynnt er á vefnum xp.is mun hjálpa nýliðum að takast á við verkefnin á Alþingi eftir kosningar í nánum tengslum við þjóðina.XP er eina framboðið sem býður fram óraðaða lista, persónukjör og beint lýðræði í komandi kosningum. XP er að fá slíkan meðbyr og stuðning í grasrótinni að nánast annar hver maður sem beðinn er um það skrifar undir meðmælalista og búið er að safna öllu meðmælendum í báðum kjördæmum í Reykjavík og verið að klára landsbyggðina. Í skoðanakönnun á vefnum xp.is vilja 70.9% aðspurðra beint og milliliðalaust lýðræði.
Sækja má um stöður þingmanna á slóðinni: http://job.xp.is
29.3.2009 | 23:16
Silfri Egils verði vikið úr dagskrá RÚV
Ný frétt af frettavakt.is Lýðvarpið FM100.5
Kæra vegna brota Egils Helgasonar og RÚV á útvarpslögum og lögum um Ríkisútvarpið
Þrátt fyrir fyrri kærur sem afrit voru send af til starfsmanna og útvarpsstjóra Ríkisútvarpsins RÚV, er haldið áfram að brjóta á Lýðræðishreyfingunni sem er því miður að mestu sniðgengin í umfjöllun RÚV. Í dag neyðumst við til að kæra til Útvarpsréttarnefndar þáttinn Silfur Egils og framgöngu Egils Helgasonar starfsmanns Ríkisútvarpsins.
Aðdragandi málsins er að Lýðræðishreyfingin hefur ítrekað óskað eftir aðgangi að þættinum Silfri Egils til að kynna stefnumál samtakanna fyrir þjóðinni, en í þessum þætti hafa margsinnis komið fram fulltrúar annarra framboða. M.a. hafa fulltrúar nýrra framboða komið fram þátt eftir þátt og nú enn aftur í síðasta þætti á meðan Lýðræðishreyfingin er algerlega sniðgengin af Agli Helgasyni.
Egill Helgason hefur gætt þess að við höfum ekki náð til hans í síma en hringt hefur verið frá Lýðræðishreyfingunni meira en 30 sinnum að undanförnu til RÚV og óskað viðtals við Egil og honum sendur fjöldi netpósta. Egill hefur ekki svarað fyrr en s.l. föstudag er þetta skeyti barst:
From: Egill Helgason [ehelgason@simnet.is]
Fri 3/27/2009 4:31 PM
Sæll Ástþór.
Ekki hringja í hana Halldóru, hún ræður engu um hvað er í þættinum.
Ég mun ekki bjóða þér í þáttinn að sinni.
mbk Egill
Silfur Egils er af mörgum talinn einn áhrifamesti og skoðanamyndandi þáttur í ríkisfjölmiðlunum. Því er það algerlega ólýðandi, óverjandi og óásættanlegt að þáttastjórnandinn hampi öðrum framboðum til alþingiskosninga fram yfir önnur. Vegna alvarleika málsins er þess krafist að Útvarpsréttarnefnd hlutist til um að Agli Helgasyni og Silfri Egils verði vikið úr dagskrá RÚV a.m.k. þar til eftir kosningar og að Lýðræðishreyfingunni verði án tafar veittur aukatími í dagskrá RÚV til að kynna sín stefnumál og þannig vegið upp á móti þeim umframtíma sem RÚV hefur veitt öðrum framboðum.
Við munum hafa samband við kosningaeftirlit Öryggis- Samvinnustofnunar Evrópu strax 30. mars til að vekja athygli á ofangreindri kæru til Útvarpsréttarnefndar. Við ítrekum að að verði ekki bætt úr ofangreindri mismunun hjá ríkisfjölmiðlunum hlýtur að vakna sú spurning hvort Lýðræðishreyfingin þurfi að leita aðstoðar Öryggis og Samvinnustofnunar Evrópu til að fá alþingiskosningarnar lýstar ólögmætar, enda er útilokað að hér fari fram óhlutdrægar kosningar undir slíkri fjölmiðlun RÚV.
Virðingarfyllst,
Lýðræðishreyfingin
Kæra 29.03.09 til Útvarpsréttarnefndar - Egill Helgason26.3.2009 | 15:39
Á launum hjá RÚV í framboðsferð
Formaður Borgarahreyfingarinnar Herbert Sveinbjörnsson er á ferð um landið í kosningabaráttu fyrir Borgarahreyfinguna á launum frá Ríkisútvarpinu.
Fram kom í fréttum í gær að annar forsprakki samtakanna Gunnar Sigurðsson leikstjóri búsettur í Reykjavík leiðir lista Borgarahreyfingarinnar í því kjördæmi sem hefur mest vægi atkvæði á landsvísu.
Íslenska þjóðin hefur verið blekkt með aðstoð Ríkisútvarpsins og RÚV sem hafa útvarpað og sjónvarpað fundum þeirra félaga á meðan öðrum er meinaður aðgangur að ríkisjölmiðlunum.
Strax á fyrsta fundi Ástþórs Magnússonar með Gunnari Sigurðssyni leikstjóra í lok nóvember 2008 mátti ráða að Gunnar og Herbert stefndu á alþingisframboð.
Ekki ólíklegt að það hafi verið ástæðan fyrir því að þeir félagar létu bera Ástþór út af fundi samtakanna í Borgartúni eftir að hann lagði til lýðræðislegar leikreglur, og aftur úr leikhúsinu Iðnó, en Lýðræðishreyfingin hafði þá þegar tilkynnt um væntanlegt framboð til alþingiskosninga.
Herbert skellti símanum á Ástþór þegar hringt var í hann um skiptiborð RÚV og honum sagt að starfsmenn RÚV héldu að hann væri í vinnunni enda væri Herbert á fullum launum frá Ríkisútvarpinu.
Hlusta á umfjöllun og símtöl hér
26.3.2009 | 10:34
Þjóðin blekkt með bellibrögðum RÚV
Bellibrögðum beitt hjá RÚV til að hampa einu framboði umfram annað!
Útvarpsréttarnefnd fundar í dag um kæru Lýðræðishreyfingarinnar vegna brota Ríkisútvarpsins RÚV á útvarpslögum og lögum um Ríkisútvarpið
Nú er ljóst að starfsmenn Ríkisútvarpsins beittu brögðum til að koma nýju framboði á framfæri en formaður Borgarahreyfingarinnar (sem eru í raun sömu samtök og "Opinn borgarafundur") starfar hjá Ríkisútvarpinu. Fram kom í fréttum í gær að annar forsprakki samtakanna Gunnar Sigurðsson leikstjóri leiðir nú lista Borgarahreyfingarinnar í því kjördæmi sem hefur mest vægi atkvæði á landsvísu.
Ljóst er að Íslenska þjóðin hefur verið blekkt með aðstoð Ríkisútvarpsins og RÚV. Strax á fyrsta fundi Ástþórs Magnússonar frá Lýðræðishreyfingunni með Gunnari Sigurðssyni leikstjóra í lok nóvember 2008 mátti ráða að Gunnar stefndi á alþingisframboð.
Ekki ólíklegt að það hafi verið ástæðan fyrir því að hann lét bera Ástþór út af fundi samtakanna í Borgartúni og aftur úr leikhúsinu Iðnó, en Lýðræðishreyfingin hafði tilkynnt um væntanlegt framboð til alþingiskosninga.
Verði ekki gerð veruleg bragabót til að kynna Lýðræðishreyfinguna næstu daga í Ríkisútvarpinu og RÚV til að koma boðskap hennar á framfæri við þjóðina til jafns við ofangreind samtök Opin borgarafund og Borgarahreyfinguna, er ljóst að kosningar verða ekki með lýðræðislegum hætti og eiga því meira í ætt við kosningar í einræðis- og kommúnískum ríkjum þar sem aðgangi að fjölmiðlum er miðstýrt til að útiloka að ný framboð nái fram að ganga. Við erum nú að upplifa slíka misnotkun fjölmiðla hér á Íslandi nema Útvarpsréttarnefnd grípi í taumana næstu klukkustundirnar til að rétta hlut Lýðræðishreyfingarinnar í aðdraganda þessa kosninga.
Verði ekki bætt úr þessu hlýtur að vakna sú spurning hvort yfir höfuð sé hægt að taka þátt í slíku skrípalýðræði sem Ríkisútvarpið og stjórnvöld bjóða þjóðina. Hvort ekki þurfi frekar að beita kröftunum í að Öryggis og Samvinnustofnun Evrópu aðstoði við að fá alþingiskosningarnar lýstar ólögmætar. Slíkur er alvarleiki málsins að mati lögmanna Lýðræðishreyfingarinnar.
Skrár tengdar þessari frétt:
Bréf 26.03.09 til Útvarpsréttarnefndar|
|
Lýðræðismálin verða eftir |
| Tilkynna um óviðeigandi tengingu við frétt | |
24.3.2009 | 17:09
Áhugavert viðtal á Lýðvarpinu FM100.5 - Hlusta hér
Uppgjöf Íslandshreyfingarinnar. Allt loft úr Ómari og félögum.
Áhugavert viðtal í Lýðvarpinu FM100.5. Hér birt af vefnum frettavakt.is
Ómar Ragnarsson formaður Íslandshreyfingarinnar var gestur í Fréttavaktinni á FM100.5. Ómar segir Samfylkinguna og Vinstri Græna búna að gleypa Íslandshreyfinguna en án þess að taka hin góðu málefni Íslandshreyfingarinnar á dagskrá.
Enginn úr Íslandshreyfingunni er í framboði á neinum lista í komandi Alþingiskosningum og allt loftið virðist úr Ómari og félögum ef marka má þetta viðtali: Hlusta hér
Nánar:
Persónukjör Lýðræðishreyfingarinnar á austurvollur.is
22.3.2009 | 22:25
Lýðvarpið á FM100.5 - frettavakt.is
Fréttirnar af öllum fjölmiðlunum. Hvað vantar í fréttirnar á RÚV? Stilltu útvarpið á FM100.5 eða hlustaðu á vefnum www.frettavakt.is.
Dagskrá mánudag - föstudag:
Íslandsklukkan kl. 07 - 09:00
Frambjóðandinn kl. 11-11:50
Hádegisvaktin kl. 11:50 - 14:00
Frambjóðandinn kl. 14 - 15:00
Sportið kl. 15 - 16:00
Dagskráin er í mótun. Fylgist með á www.frettavakt.is
Hringdu ef þú hefur athugasemdir eða vilt koma í útsendingu. Síminn er 4500500
Netfang: frettavakt@gmail.com
RSSFærsluflokkar
| Nóv. 2024 | ||||||
| S | M | Þ | M | F | F | L |
|---|---|---|---|---|---|---|
| 1 | 2 | |||||
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
Heimsóknir
Flettingar
- Í dag (22.11.): 0
- Sl. sólarhring:
- Sl. viku:
- Frá upphafi: 0
Annað
- Innlit í dag: 0
- Innlit sl. viku:
- Gestir í dag: 0
- IP-tölur í dag: 0
Uppfært á 3 mín. fresti.
Skýringar
